من أول كان عندي سؤال .. إن تويتر كيف يترزقون الله؟ .. وكيف يجي مدخولهم .. وكيف ممشين حالهم .. لأن دايم نسمع عن إعلانات جوجل وإعلانات فيسبوك ونشوفها بس تويتر ما شفنا شي من يوم ما إشتغل الموقع لين الحين .. هذا الكلام بالنسبة لي ..!

المهم إني اليوم بالصدفه شفت ديوركس أريبيا .. إستغربت قلت نا ما قد تابعتهم وشلون طلعوا لي في التايم لاين ؟؟

يوم برقّت وتمقلّت .. لقيت سهم برتقالي و مكتوب Promoted by يعني مقدم من أو برعاية .. المهم إنه إعلان .. بس بطريقة مبتكره ومدسوس دس بحيث إنه ما يبان .. طريقتهم مبتكره بصراحة ولا يبان إنه إعلان لا إذا إنقنص بعين الخبير .. الحين يعني يقالك إني عيني عين خبير ههههههه أمحق 🙂