قبل كم يوم طلع تطبيق مزيف لأشهر لعبة للهواتف الذكية وهي “الطيور الغاضبة – angry birds” والحين نزل تطبيق مزيف للتطبيق الأشهر لتحرير الصور “إنستغرام – instagram” .

اللي اقدر أقوله إن لازم تنزلون التطبيق من متجر أبل أو من متجر جوجل بلاي لنظام أندرويد أو من متجر عالم تطبيقات بلاك بيري أو من متجر ويندوز فون أو من الموقع الرسمي للتطبيق نفسة .

غير هالأماكن ما أنصح إنكم تنزلون أي تطبيق لانه ممكن يكون تطبيق مزيف ويقوم بسرقة المعلومات من جهاز المستخدم يعني يكون يحتوي على فايروس يقوم يرسل رسالة بدون علم المستخدم.

يعني لازم الحذر .. والحذر واجب في هذي الأمور ..

ولازم يتم التعامل مع الأجهزة الذكية بمسؤولية أكثر ونتوخى الحذر .. مو اي تطبيق ننزله وبس .. وكمان أرجع وأحذر لازم يكون عندك حساب شخصي في المتاجر وتديرونها بنفسكم يعني مو تروحون للرجال في مركز الإتصالات وتقولون له نزل لنا تطبيقات .. ترا الحين مع iCloud ممكن كل شي في جهازكم يقدر يشوفة ويستخدمه كمان.

وغير iCloud ممكن ينزل برنامج تزامن في أجهزتكم ويصير جهازك رهن إشارة هالشخص اللي وديت جهازك له عشان ينزل لك تطبيقات.

اللهم بلغت اللهم اشهد …