أحلى شي صار من تالي إن الناس إكتشفت إن الشغل مش عيب وهذي الثقافة اللي كانت سائدة في بلادنا من قبل النفظ .. وبس سبحان الله صارت عيب بعد النفط!

لكن الحين بحكم إحتكاكنا مع شعوب العالم وسفر كثير من الناس للخارج صاروا يشوفون الناس كيف عايشه وكيف تشتغل وكيف تفكر وكمان إنفتاح القنوات الفضائية والإنترنت وكيف صار العالم كله بضغطة زر.

ولهذي الاسباب صاروا الشباب يشتغلون وهذا شي مرة ممتاز وهذا هو الصحيح والحمد لله .. وعندنا أصلن مثل نجدي يقول: ” من حرك أطرافه أشبع بطنه” .. يعني اللي بيشتغل بيقدر يعيش.

ولأن الحياة صعبة الحين .. يعني لو ما لقيت وظيفة خلاص إنتهى وضعك .. وطبعا مو كل إنسان من يتخرج يلقى وظيفة يعني تجي حسب الظروف وفي الغالب حسب الواسطة.

بس اللي ملاحظته هو استنساخ التجارب .. يعني كثير شباب وشابات عملو مشاريع جديدة ونجحت ومع النجاح الشباب الباقين ما حبوا إنهم يفكرون في مشارع ثانية مربحة ويشتغلون فيها .. لا .. اللي حصل إنهم استنسخوا نجاحات اللي سبقوهم وطبقوا نفس الأفكار وصار الأمر محصور بين محل هامبرجر ودائم ما يقوم عليه العيال ! أو محل يبع حلويات وكب كيك ودايم ما يقوم عليه البنات !؟!