قبل فترة كتب محرر في جريدة البيان الإماراتية عن خبر بعنون “أول شاطئ مكيف في العالم في دبي“. ولكنه أختفى من الجريدة، شكلهم اكتشفوا غلطة المحرر وتم حذف المقال .. بس اللي حصل إنه مره انتشر في البلاك بيري والواتساب والمدونات والمنتديات وأغلب المواقع وكمان قبل كم يوم قالوا عنه في برنامج ياهلا اللي يعرض على قناة روتانا خليجية ويقدمه علي العلياني .. و رغم إن المقال كان يحتوي على تواريخ إفتتاح في 2011 .. ولا أحد لاحظ و لا أظن إن المحرر كان يعرف أنو المشروع متأجل على ما أظن أو أنو عليه تأخير في الجدول الزمني لإنجاز المشروع .. بس هو اللي سواه أنو نقل بالنص الخبر من هذا الموقع:

www.cpp-luxury.com/en/versace-hotel-opens-in-dubai-june-2011_1002.html
وبدون ما يتأكد أو حتى يعمل بحث ويقارن ويشوف .. لأن المقال اللي في الموقع الأجنبي انكتب في تاريخ 3 ديسمبر 2010 يعني تواريخهم صح ولا كان معروف إن المشروع متأجل ..
بس كون المحرر يكتب الخبر في 2012 وفي وسط الخبر كاتب أنو الإفتتاح في شهر يونيه 2011 ويعني الوقت اللي كاتبه عدا والمفروض إنه يكون مفتوح حسب المقال.
أنا عاد دايم أمر عليه لين جينا نروح لفيستفال سيتي من معبر الخليج التجاري هو يطل على الخور قبال فيستفال سيتي .. ما أظن إنه يخلص حتى في يونيه 2012 يعني بعد 3 شهور .. مستحيل لأن لسه يبغاله شغل كمان ..
بس إن شاء الله إنه يفتتح لأنه بيكون إضافة رائعة ضمن باقة المشاريع الجميلة اللي تزهو فيها دبي الرائعة ..

www.palazzoversace.ae