من خلال متابعني لماجد الصباح لقيت إن المحتوى اللي يقدمه شبيه برسالة أحمد الشقيري اللي بدأها من خلال برامجه في التلفزيون وآخرها خواطر 2014، ولكن الحين الناس ماعاد تتابع التلفزيون مثل قبل والآن المنصات الإجتماعية هي اللي الناس مقبله عليها وتشوفها 24 ساعة لأن الأجهزة في يدينا طول الوقت ومن هالتطبيقات الـ سناب شات اللي انطلق منها ماجد الصباح واصبح يقدم كل اللي عنده بطريقته الخاصة واللي فيها شبه كبير مع ما كان يقدمه أحمد الشقيري.

والإعلام الجديد الآن يتجه إلى أن يكون بث مباشر بالفيديو لكل الناس وبواسطة كل الناس من خلال التطبيقات الجديدة اللي منزلت مثل Meerkat و Camio وكان تطبيق Periscope من تويتر.

اليوم كل الناس تقدر توصل كل اللي تقدر تقدمه من خلال هذي التطبيقات السهلة واللي الناس صارت تقدر تختار مين تتابع وتقدر تلغي المتابعة لأي شخص ما يناسب تطلعاتها.

وأنا أسلوبي في يومياتي على سناب شات ترتكز على تعريف الناس بكل ماهو جديد في دبي أو أي مكان أكون فيه بالإضافة إلى بعض المواقف  أو السوالف اللي أسردها بين فترة وفترة وفترة.

وهذا هو حسابي على سناب شات مفتوح للجميع والله يحييكم : wainblog