أقدر أوصف نفسي إني إنسانة ميكروسوفتيه الهوى .. ويدوزية الطباع : ) ، بمعنى إني عجزت لا أتكيّف مع أنظمة أبل اللي أقدر أوصفها إنها مرة سهلة وجذابة وقوية الأداء، لكن سبحان الله القلب وما يهوى .. يعني أنا دايماً الكمبيوتر اللي بشتريه شرطي إنه يكون من نظام ويندوز.

ومؤخرا من فترة قريبة مايكروسوفت قامت بشراء نوكيا والحين معظم أجهزة نوكيا تشتغل بنظام ويندوز فون اللي مره إستخدامه سهل مثل سهولة إستخدام ويندوز .. والتكامل اللي بين الكمبيوتر والجهاز عجيب جداً وكمان مؤخرا قامت مايكروسوفت ترفع حجم المساحة المجانية للتخزين السحابي التابع لها OneDrive  إلى 15 جيجا بايت وبذلك تصير مثل حجم تخزين جوجل دايف.

أنا بدروري كان لي عودة مع نوكيا عن طريق جهاز لوميا 1020 اللي فيه خاصية جميلة إن كاميرته 41 بكسل .. وهذا الشي اللي شدني أكثر شي لأنه بينفعني مرة في مدونتي عشان الصور تكون أوضح وأكون معكم صادقة هي واضحة بس مو بالدرجة اللي كنت متخيلتها يعني سامسونع S5 تصويرة جيد وكمان LG – G2 تصويرة حلو .. مالمست ذاك الفرق الكبير اللي توقعته، بس بالنسبة إلى سعرة ومواصفاته أعتبره خيار مرة ممتاز لأن سعة تخزينة 32 جيجا وتكامله مع اللاب توب مرة زين.. بالإضافة إلى نظام ويندوز فون السهل الإستخدام.

عاد أنا الحين في بزة الجديد .. بس يبيلي شوي أستخدمه عشان أعرف الفرق أكثر وأعرف مدى جودته.

 

nokia2