أبشركم مو بس الناس اللس قامت تسترزق من إنستغرام حتى الشركات الكبيرة مثل “فوغ Vogue” صار لها نصيب من الإنستغرام بعد ما حولت حسابها عليه لمتجر أو سيلة تسوق بعد ما تعاونت مع “لايك تو نو ات Liketoknow.it” وهو التطبيق اللي صممته “ريوارد ستايل” الأمريكية بهدف البيع عن طريق الإنستغرام من خلال رابط لايك تو نو ات (LTK) اللي موجود في التعليق على الصور المنشورة في فوغ.

وحسب ما يقولون إن بمجرد الضغط على LTK بنستقبل بريد إلكتروني يعلمنا وين نقدر نحصل القطعة اللي عجبتنا، عاد إذا شرينا القطعة فوق بتحصل عمولتها على كل قطعة تباع! وطريقة ترويج فوغ لهذا الأمر إنهم يقولون إنه أمر رائع إنكم تشترون الفستان بضغطة زر وحدة فقط!

والاكيد إن بتكر السبحة وبنلاقي معظم المجلات بتنتهم نفس النهج. تبون الصدق إنستغرام بادي يطفشنا من كثر المسابقات والبيع والشراء والأمور هذي.

وبخصوص “لايك تو نو ات” هو تطبيق تجاري ناشئ وجديد توه تأسس في ديسمبر 2013 يعني ماله كم شهر، وهو يهدف لإستكشاف القدرة التسويقية لمواقع التواصل الاجتماعي.