الشي اللي ماحبيته أبد في “جوجل ستريت فيو Google Street View” .. إننا فقدنا عنصر المفاجأة والدهشة للشي الجديد .. من أول لين جينا نسافر مكان جديد ننبهر و الأمر يكون في منتهى الإثارة بالنسبة لنا ولإكتشافاتنا، لكن الحين و حنا قاعدين في بيوتنا، ولو خططنا نسافر، كل اللي بنسويه إننا بندخل على “جوجل ستريت فيو Google Street View” ونشوف بالتفاصيل كل شي عن المدينة الجديدة اللي بنزورها.

مير الحين أبشركم أضافوا ميزة جديدة وهي إننا نقدر نشوف المكان كيف كان وكيف الحين يعني تقدرون تقولون إن جوجل قامت تاخذنا في رحلة عبر الزمن!

وهذا الشي أعلنته جوجل في مدونتها وقالو : “من اليوم، تقدرون تسافرون للماضي وتشاهدون التغيرات اللي صارت على مدى السنوات الي مضت، وهذا الشي من خلال “جوجل ستريت فيو Google Street View” النسخة اللي من كمبيوترات المكتب أو اللابتوبات من صور تم تجميعها من عام 2007″.

بس ترا هذي الخدمة مو متوفرة في كل مكان. وهي عن طريق خرائط جوجل.

واللي جرب هذي الخدمة يعلمنا رأيه فيها؟