قبل شوي رحت تفرجت على فيلم ” غاتسبي العظيم – The Great Gatsby ” واللي توه نازل في دور سينمات دبي وهو من بطولة ليوناردو دي كابريو وتوبي ماغواير وكيري مولّيغان. الفيلم مشوّق والتقنية المستخدمة فيه كبيرة ومبهره حالها حال المجوهرات والملابس والحلو في الفيلم إنه يميل السرد فيه وطريقة الإخراج إلى إننا كأننا نقرا رواية ، عجبني مرة التمثيل و الإخراج ..و حسيت الأفلام الجديدة فيها شي جديد فعلاً، تذكرّت فيلم آنا كارنينا .. يعني ندخل… قراءة المزيد »
بلاك بيري ماسنجر BBM بيكون متوفر على أجهزة أبل وأندرويد هذا الصيف !
حسب ما جاء في موقع The Verge .. يقولون إن بلاك بيري أعلنت رسمياً إن ماسنجرها الشهير BBM راح يكون متوفر لنظام IOS وهو النظام اللي تشتغل أغلب أجهزة أبل ونظام أندرويد اللي تشتغل عليه معظم الأجهزة وأشهرها جلاكسي من سامسونغ. وهالخطوة أظنها جت متأخره ولكن لا بد منها .. لأن الواتساب وغيرها من تطبيقات المراسلة الفورية اللي تشتغل على معظم الأجهزة سحبت البساط من أجهزة البلاك بيري .. اللي لو توقفت الخدمة عنه أو… قراءة المزيد »
موقع و تطبيق ” Rockmelt ” رائع جداً في الترفيه والمشاركة
اليوم طحت لكم على تطبيق وموقع إلكتروني مره حلو اسمه ” Rockmelt ” .. وهو عبارة عن مشاهدة وإكتشاف آخر و افضل الأشياء في الإنترنت سواء مضحكة أو غريبة أو مثيرة وغيرها كثير وطبعا لو سجلتوا بتويتر أو فيس بوك راح تظهر لكم في التايم لاين (Home) الأشياء اللي متابعينا بتويتر أو في الفيسبوك من الأشياء اللي عاملين لها لايك أو متابعة. وتقدرون تحطون رايكم على أي شي سواء لايك أو كول أو أممم يعني رأيك… قراءة المزيد »
إشاعة .. طيران الإمارات بتقدم شيشة على متن طياراتها .. من أسخف ما سمعت
البارحة إنتشرت إشاعة إن طيران الإمارات راح تقدم خدمة تقديم شيشة لركابها في درجة الأعمال والدرجة الأولى على متن طائرتها العملاقة إيرباص A380 بصراحة هذي الإشاعة من أسخف الإشاعات اللي سمعتها و قريتها في حياتي .. والغريب إن الناس تداولها رغم إن ” بالمنطق ” ، طيران الإمارات.. طيران يحظر التدخين على كل رحلاته فما بالك بالشيشة اللي مو بس دخان يكتم الناس في الطيارة، كمان فحم ويعني خطر مو طبيعي أثناء الطيران ! بصراحة… قراءة المزيد »
زيارتي لمعرض ” سوق السفر العربي ” في دبي
قبل البارح زرت معرض ” سوق السفر العربي ” والمقام في مركز دبي الدولي للمؤتمرات والمعارض في مركز دبي التجاري العالمي وبيستمر إلين بكرة 9 الشهر إن شاء الله ، في البداية أحب أقول إني من عشّاق السفر وأحب كل شي يتعلق بالمطارات والفنادق والمطاعم والأماكن وعشان كذا كنت حريصة إني أحظر هذا المعرض. المعرض المشاركين فيه أكثر من 3000 شركة من 90 دولة من حول العالم. المعرض يضم منصات لأهم الفنادق وشركات الطيران وشركات… قراءة المزيد »
قريباً إفتتاح فندق ” فيدا – VIDA ” في وسط مدينة دبي
كل مرة أكون في بوليفارد محمد بن راشد في منطقة داون تاون دبي يلفت نظري التجديدات اللي قاعدة تحصل في فندق ” قمر الدين ” سابقا واللي الحين عرفنا إنه صار ” فيدا – FIDA ” وهي المجموعة الجديدة اللي أطلقتها شرطة إعمار كسلسلة فنادق 4 نجوم ديلوكس ومجموعة إعمار معروف عنها إنها قبل 5 سنوات أطلقت سلسلة فنادق ” العنوان – The Address “. والتجديدات مرة مثمرة لان من أول قمر الدين كان كأنه… قراءة المزيد »
Photo of You .. ميزة جديدة في إنستغرام بعد التحديث
أمس يوم حدّثت التطبيقات .. لأن بين كل فترة وفترة يتم الإشارة إلى إن فيه تطبيقات تحتاج إلى تحديث .. أقوم أنا أنتظر شوي لين ما يتجمعون وبعدين أحدّثهم مرة وحده. واللي لفت نظري هو تحديث في الإنستغرام .. يعني أضافوا ميزة جديدة وأتوقع إن الميزة الجديدة هذي شبيهة بميزة في الفيس بوك وهي إضافة إشارة للأصدقاء في الصور وتسمى ” Photo Tagging ” وكمان خصصوا له مكان سموه ” Photos of You ” جنب طريقة عرض… قراءة المزيد »
الكوارث والمصايب والحوادث .. وش الهدف من نشرها ؟
أن من تالي ما عاد أحب إني أنشر حوادث أو كوارث تحصل لمجرد بس كذا .. أوكي أتكلم عن الموضوع لو صار شي وأناقشه وتنطرق له لكن بدون نشر صور وبدون نشر فيديو. وقبل يومين إنتشر فيديو لحادثة سقوط طائرة الشحن الأمريكية ” ناشونال ” في أفعانستان .. واللي بالصدفة كان فيه أحد يصوّر وتم تصوير الحادثة من البداية للنهاية .. الفيديو مخيف جداً وراح ضحية الحادث 7 أشخاص هم ملاحين الطائرة ويعتقدون إنه بسبب… قراءة المزيد »
الله يكفينا شر تويتر وهاشتاقاته !
العام الماضي في شهر مايو كتبت موضوع اسمه ” إحذروا سهم يصيبكم في تويتر ” .. واليوم بعد مرور عام كامل على ذاك الموضوع .. أرجع أتكلم وأقول عن الوضع في تويتر اللي صاير من سيئ لاسوأ .. يعني من أول اقول إحذرو سهم يصيبكم أو كلمة تضايقكم وبس، الحين أقول إحذرو من قضية تنرفع عليكم في المحكمة .. لأن الناس اللي عندها قروش وتقدر توّكل محامين بيصيرون مالهم مهنة إلا إنهم يجرجرون الناس في المحاكم،… قراءة المزيد »
معرض “الجاكيت الأسود القصير – THE LITTLE BLACK JACKET ” في ذا فينيو | دبي
اليوم رحت لمعرض جميل اسمه ” الجاكيت الأسود القصير – THE LITTLE BLACK JACKET “ في ذا فينيو على بوليفارد محمد بن راشد بداون تاون دبي .. المعرض كله صور واللي صوّرها “ كارل لاغرفيلد ” وكلها تتعلق بالجاكيت الأسود القصير اللي يعتبر كأنه تريد مارك لشانيل. والمعرض مستمر إن شاء الله إلين يوم السبت 11 مايو 2013. أنصحكم إنكم تروحون وتستمتعون بمشاهدة الصور مثل ما أنا استمتعت.
Trendy Flamingo ترندي فلامنغو
Bayt 7 بيت – دليل البوتيكات والأعمال الصغيرة والأعمال من البيت والحرف اليدوية والأطعمة
BintNet.com – بنت نت – أول موقع للبنت في العالم العربي
DineOut – داين آوت – دليل مطاعم ومقاهي الرياض
justSelective – جست سيلكتف – عنوان الذوق والرفاهية
